2024 жылғы 26 сәуірде Қызылорда қаласында «Мемқалақұрылыскадастры» РМК Құрылыс және ТҮКШ істері комитетінің, облыстық және аудандық деңгейдегі жергілікті атқарушы органдардың, Табиғи монополияларды реттеу комитетінің аумақтық департаменттерінің, Қызылорда, Қарағанды және Ұлытау облыстарының «Азаматтарға арналған үкімет» КЕАҚ өкілдерінің қатысуымен Мемлекеттік қала құрылысы кадастрына деректерді енгізу мен өзектендіру мәселелері бойынша кезекті өңіраралық кеңесті өткізді.
Кеңесте МҚҚК ААЖ арқылы СЖТ, техникалық шарттарды беру, эскиздік жобаларды келісу мәселелері, сондай ақ кезекші топографиялық жоспардың деректерін және табиғи монополиялар субъектілерінің мәліметтерін МҚҚК ААЖ-ға енгізу мониторингінің нәтижелері баяндалды.
Кеңес қорытындысы бойынша ағымдағы өңірлер бойынша мәселелерді одан әрі бірлесіп пысықтау тетіктері пысықталды.
